Finss.az xəbər verir ki, bazar ertəsi ABŞ fond indeksləri artımla bağlandı, Nasdaq Composite yeni rekorda imza atdı.
Qlobal bazarlar ABŞ əmək bazarının nəzərəçarpacaq dərəcədə soyuması fonunda Federal Ehtiyat Sisteminin (FRS) monetar siyasətinin yumşaldılmasına dair ümidlərlə dəstəklənir.
Ötən cümə günü açıqlanan statistik məlumatlar ABŞ-da avqustda işsizliyin iyulda olan 4,2%-lə müqayisədə 4,3%-ə yüksəldiyini, eləcə də ölkə iqtisadiyyatında iş yerlərinin sayında cüzi artım olduğunu göstərib.
Zəif statistika treyderlərin ABŞ Mərkəzi Bankının sentyabr iclasında uçot dərəcəsini aşağı salacağına inamını artırdı, bəzi ekspertlər onu 50 baza bəndi (bp) azaltmağın mümkün olduğuna inanırlar.
